2016.05.18-23
Day 3
第三日的行程，因為要搭好長時間的車，一早就爬起身執好行李出發。
到逢上海長途客運南站後，要買巴士票到烏鎮，RMB49，坐大約2個多小時。
上海長途客運南站有好多不同的巴士，人很多。因為太早出門的關係，我們來到呢到先買早餐，邊食邊等夠鐘上巴士。
小楊生煎：肉汁滿滿！
坐大約2個多小時，終於到達烏鎮汽車站，下車後開始落毛毛細雨:(
烏鎮汽車站旁邊就可以找到K350巴士，直達烏鎮的西柵和東柵。
我們選擇住在西柵，管理得比較好一點的。也有人會選擇到東柵住的，不過東柵只有民宿，會寄住在當地人的家中。
K350搭大約20分鐘，幾經波折，下午1點幾，終於黎到烏鎮西柵！呢邊天氣明顯比較涼，沒有上海的高樓大廈，只有古色古香的建築和流水，好似返左古代咁啊！
連洗手間都好特別
西柵入面除左好多靚景可以影相之外，仲有好多景點可以參觀。園區內有接駁車送旅客往返不同的景點，但我們想一邊影相一邊發掘好玩的地方，所以就用腳慢慢行，反正旅行就係要黎感受啊！
西柵話大唔大，話細唔細，最旺的是西柵大街，有多個景點介紹當地文化歷史。西柵中間有一條主要的河道，有好多小橋連接，兩邊是不同的屋，又有不同的小路可以穿往不同的地方，我們就好似探險咁，捐窿捐罅發掘寶藏，因為沿路不有好多小店，賣小食或者小精品。
囍慶堂
囍慶堂是介紹傳統當地人的婚禮，更加有婚禮的裙掛可以租借黎影相，因為價錢都算平，好多偽文青都租返套黎影下相。
我們的午餐，很濃的魚湯:）
傳統食物：南瓜粥同煎餅
下午3點，可以去參觀下我們今晚要住的地方了！係一間小客棧，好有feel啊，木的樓梯，木的櫃枱。行李都已經送到，是用船運過來的，因為沿路都是用石頭鋪成的路，拉gip好難行，行李運送是免費的。一入到房，是另一番感覺，因為有公主床啊！哈哈，好girly！
放低行李又再出去捐窿捐罅，夜晚的西柵更加靚，好有詩情畫意，在河邊坐在橋上賞月。
西柵的商店大多晚上9點後就關門，不過可能為左照顧遊客，其實都有一個area有幾間bar，可以聽live music，飲返杯，中西文化衝激一下。